ஆடம் ஆப்பிளும் ....ஆலகால விஷமும்

By -

                                                                         


அவனுக்குத் தெரியாதா 

ஆலகால விஷம் அவளென்றே

இருந்தும் ஏன் விழுங்கினான் 


அலறிப் புடைத்து ஓடி வந்து 

சங்கைப் பிடிப்பாள் 

விழுங்கிய நஞ்சு 

இரைப்பைக்குள் வீழாமல் 

தொண்டைக் குழியில் 

காலத்திற்கும் சுற்றித் திரியட்டும் 

என்கிற திட்டமோ 


அப்பாவி குரல் பெட்டி 

அவன் விட்ட கதையில் 

ஆடம் ஆப்பிள் ஆனது 

இவன் விட்ட கதையில் 

ஆலகால விஷம் ஆனது 


ஆணின் குரலாக பெண் 

அவனுக்கு ஆடம் ஆப்பிள் 

பெண்ணின் குரலாக ஆண் 

அவளுக்கு ஆலகால விஷம் 

என்று எப்போதடா 

புதுக்கதை விடப் போகிறீர்கள்? 


எக்கேடோ கெட்டுத் தொலையுங்கள் 

நீங்கள். 

பக்கோடா சாப்பிட பறந்து போகிறேன்

நான். 

Comments

Post a Comment

Popular posts from this blog

சஹாரா பூக்கள் பூத்ததோ....

By -
Image
  உச்சத்தில் சூரியன் உக்கிரமாய். எப்போதும் பூக்கும்  வேர்வைத் துளிகளின் இடத்தில்  இப்போது பூக்களாய் பனித்துளிகள். காதை கொடு  கிசுகிசுக்கிறேன் காரணத்தை. உன் செவிகளின் அழகில்  என் இதழ்கள் இறக்காமல் இருக்குமானால்.   நேத்தைக்கு 'செல்லோ'... சரி...தட்டச்சு தவறாக இருக்கலாம்  என கடந்தேன் தளர்வுடன். இன்றைக்கு அன்பில் துடிக்கும்  உன் அழகு இதயம்...  பார்த்ததும் கேட்டது பாடல்: "சஹாரா பூக்கள் பூத்ததோ?" காண்பது நிஜம்தானா?  தட்டச்சு தவறு என்பது போல, கண்களை சோதிக்க வேண்டுமென  கடந்து போக முடியவில்லை இதையும்.   தவிக்கிறேன், துடிக்கிறேன். எப்படி அறிவேன் நிஜம்தான் இது என்று? இங்கு... உச்சத்தில் சூரியன் உக்கிரமாய். உடலுக்கு வெளியே சஹாரா, உள்ளத்தினுள்ளோ அண்டார்டிகா.  இருபது வயது பையனின் இதயம் போல ஐம்பது வயதில் பட படக்கிறது  அரைக்கிழவனின் அழகு இதயம். என் இதயம் அழகு என்பதை அறிவேன்  நீயே அழகாய் அதை அலங்கரிப்பதால்.   கண்களில் இருக்கலாம் கோளாறு  உன்னை அவை பார்ப்பதில்லையே! ஆனால்... உன்னை சுமக்கும் என் உள்ளத்தில் ஏனிந்த பேஜாரு?! உன்னிடத்தில் இல்லையே கோளாறு.   நிஜமாகவே  இருக்க வேண்டும் உள்ளத்தில்
Read more

வாழ வைக்கும் காதலுக்கு ஜே.....

By -
Image
                                                                                        விடாது கொட்டிய மழையில்  கட்டாந்தரை களிமண் பூமி  களகளத்து கொழ கொழ சகதியானது.  வீட்டில் வேண்டுமளவும் வெங்காயம் இருக்க  இன்னும் கொஞ்சம் வாங்கிவரச் சொல்லி  எதற்காக இந்த வெங்காயத்தை  விரட்டி அடிக்கிறாள்  என் காதல் மனைவி?  வியப்போடு வெளியேறினேன் வெள்ளை வேட்டியும் சட்டையுமாய்.  கொழ கொழ சகதிகளுக்கு நடுவே  நடை பயணம் நகைச்சுவை ஆனது.  வித்தைக்காரன் போல் தத்தித்தாவி  கடைவீதி சென்று திரும்பியாயிற்று  கஷ்டப்பட்டு.  வெற்றிக் களிப்புடன்  திரும்பி வந்தவனை  விரக்தியோடு பார்க்கிறாள் விஷமக்கார வாழ்க்கைத் துணைவி.    வீட்டில் வேண்டுமளவும் இருக்க  மேலும் வாங்கிவரச் சொல்லி  எதற்காக விரட்டி அடித்தாளோ  என் காதல் மனைவி? அப்போது புரியாதது  இப்போது புரிகிறது. வெளியே.... ஊரே வெள்ளத்தில் அல்லாடிக் கொண்டிருக்க  உள்ளே.... அவள் அடுக்களையில் அல்லாடிக் கொண்டிருக்க,   கொஞ்சமும் வெட்கமின்றி  கொதிநீர் கேட்டு வாங்கி  கூல் ஆக குளித்து முடித்து  அயர்ன் செய்த வேட்டி சட்டை அணிந்து  நடு கூடத்தில் நச்சென வந்தமர்ந்து  சூடாக ஒரு காப்பி கேட்ட கோபத
Read more

ஆணும், பெண்ணும்....இறைவனும்

By -
Image
அன்று...... கம்பீரமான ஒரு ஆணையும் கலக்கலான ஒரு பெண்ணையும் பார்க்கையிலே உள்ளத்தில் ஏக்கம் வந்தது.   கற்பனையில் கம்பீரம் கொண்டதும் கலக்கலான பெண்ணை கயமையால் களவாட அதே கற்பனையில் மனம் இராவண புத்தி போதித்தது; படைப்பில் கவனம் நிலைத்து படைப்பவனை உள்ளம் உதாசீனம் செய்தது.   இன்று.... கம்பீரமான ஒரு ஆணையும் கலக்கலான ஒரு பெண்ணையும் பார்க்கையிலே உள்ளுக்குள் கை குவித்து, நெற்றி நிலத்திலே பட  அடடே இன்னா மஜாவான ஆளுப்பா நீ என கம்பீரத்தை ஆணிலும் கலக்கலை பெண்ணிலும் படைத்தவனின் படைப்பாற்றலை உள்ளம் பாராட்டி பரிதவிக்கிறது; படைப்பின் மீதான கவனம் சிதைந்து படைப்பவனின் மீதே உள்ளம் நிலைக்கிறது;   படைப்பவனை பற்றியே சிந்தனை நீள்கிறது. ஆண் அவன் ஆணவம் அல்ல; பெண் அவள் பேதமை அல்ல; ஆண் அவன் ஆண்டவனின் ஆளுமை; பெண் அவள் ஆண்டவனின் மேன்மை. என்னையும் என் போன்ற உங்களையும் காண்கையில் நான் ஆண்டவனின் ஆளுமை உணருகிறேன்;   என்னவளையும் என் அவள் போன்ற பெண்களையும் காண்கையிலே நான் ஆண்டவனின் மேன்மை உணருகிறேன்.   நிழலின் அருமை வெயிலில் தெரியும் என்பர் வெயில் தன் அருமை அதன் நிழலில் அறியும் என்கிறேன் நான்   ஆண் கம்பீர
Read more