தொலைத்து தொலையாமல் போ.............

By -
வலிக்கையில்
வலிக்கிறதென என்ன உளறல்?
வலி போக
வலியை வலிக்க விடு.

விழி தெரிய
விழியை விழிக்க விடு.

துயில் போக
துயிலை தூங்க விடு.

நித்தமும் நடக்குது
இரட்டை வாழ்க்கை
நீயா தூங்கி நீயா விழிக்கிறாய்?

நீ உண்மையறிய
உன்னை உறங்கச் செய்கிறேன்;
நீ பொய்யைத்  தொடர
உன்னை பிறக்கச் செய்கிறேன்.

இறக்கச் செய்து
உறங்கச் செய்கிறேன்;
உறங்கச் செய்து
பிறக்கச் செய்கிறேன்.

நித்தமும் நடக்குது
இரட்டை வாழ்க்கை
நீயா தூங்கி நீயா விழிக்கிறாய்?

செத்துப் பிழைத்து
செத்துப் பிழைத்தெனவே
இறப்பையும் பிறப்பையும்
இடுக்கிலே கட்டிக் கொண்டலைகிறாய்;

இதிலே
நான் நானெவே
எனது எனதெனவே
இனிமையில்லா இளிப்பெதற்கு?

உன்னை உனக்கு கொடுத்தது
என்னைத் தூக்கியெறிந்து
உன்னில் நீ உறைவதற்கல்ல
உன்னைத் தூக்கியெறிந்து
என்னில் நீ மறைவதற்கு.

தொலைந்து போ;
உன்னைத் தொலைத்து
என்னில் தொலைந்து போ.

என்னில் தொலைந்து
என்றும் தொலையாமல் போ.

எவன் சொன்னான்
என்னை நேசித்தாலே உன்னை நான் நேசிப்பேன் என்று?
அவனிடம் சொல்
நான் உன்னை நேசிப்பதாலேயே
நீ என்னை நேசிக்கிறாய் என்று;
நான் உன்னை நேசித்தாலே
நீ என்னை நேசிப்பாய்  என்றும்.

வலிக்கையில் என்ன உளறல்
வலிக்கிறதென?
வலி போக
வலியை வலிக்க விடு.

வழி தெரிய
விழியை விழிக்க விடு.

துயில் போக
துயிலை தூங்க விடு.

நித்தமும் நடக்குது
இரட்டை வாழ்க்கை
நீயா தூங்கி நீயா விழிக்கிறாய்?

Comments

Post a Comment

Popular posts from this blog

சஹாரா பூக்கள் பூத்ததோ....

By -
Image
  உச்சத்தில் சூரியன் உக்கிரமாய். எப்போதும் பூக்கும்  வேர்வைத் துளிகளின் இடத்தில்  இப்போது பூக்களாய் பனித்துளிகள். காதை கொடு  கிசுகிசுக்கிறேன் காரணத்தை. உன் செவிகளின் அழகில்  என் இதழ்கள் இறக்காமல் இருக்குமானால்.   நேத்தைக்கு 'செல்லோ'... சரி...தட்டச்சு தவறாக இருக்கலாம்  என கடந்தேன் தளர்வுடன். இன்றைக்கு அன்பில் துடிக்கும்  உன் அழகு இதயம்...  பார்த்ததும் கேட்டது பாடல்: "சஹாரா பூக்கள் பூத்ததோ?" காண்பது நிஜம்தானா?  தட்டச்சு தவறு என்பது போல, கண்களை சோதிக்க வேண்டுமென  கடந்து போக முடியவில்லை இதையும்.   தவிக்கிறேன், துடிக்கிறேன். எப்படி அறிவேன் நிஜம்தான் இது என்று? இங்கு... உச்சத்தில் சூரியன் உக்கிரமாய். உடலுக்கு வெளியே சஹாரா, உள்ளத்தினுள்ளோ அண்டார்டிகா.  இருபது வயது பையனின் இதயம் போல ஐம்பது வயதில் பட படக்கிறது  அரைக்கிழவனின் அழகு இதயம். என் இதயம் அழகு என்பதை அறிவேன்  நீயே அழகாய் அதை அலங்கரிப்பதால்.   கண்களில் இருக்கலாம் கோளாறு  உன்னை அவை பார்ப்பதில்லையே! ஆனால்... உன்னை சுமக்கும் என் உள்ளத்தில் ஏனிந்த ப...
Read more

இறைவனே ....I Love You

By -
Image
என்னை தொலைத்து உன்னை புரிந்தேன்; என்னை தொலைத்தும் உன்னைப் புரிந்த விந்தையறிந்து வியந்தேன். தலை தூக்கி விண்ணை பார்த்தேன்; தலை தாழ்த்தி மண்ணை பார்த்தேன்; விண்ணில் தெரிந்ததே மண்ணிலும். விண்ணைப் பார்க்கையில் என் விழி வழி உன் வழி; மின்னித் தெரிவதென்ன உண்மையில் விண்மீனா? மண்ணைப் பார்க்கையில் என் வழி வழி உன் விழி; இனி "கல்லும் முள்ளும் காலுக்கு மெத்தை". "விழிகள் மேடையாம் இமைகள் திரைகளாம் பார்வை நாடகம் அரங்கிலேருதாம்" ஓ ...ஓ...ஓ .... என் இறைவா I Love You. போற்றினாலும் புகழ்ந்தாலும்  நாடினாலும் நெகிழ்ந்தாலும் எந்தக் கனமும் இறையோடு இணையுங்கள் இதயக் காதலோடு,  இறைக் காதலோடு.
Read more

பக்கத்து வீட்டு மரணம்....

By -
Image
பக்கத்து வீட்டுக்காரர்  தன் அன்பு மனைவி  திடீர் மாரடைப்பில்  காலமாகிப் போனதாய்  கலங்கிய கண்களுடன் சேதி சொல்லிப் போனார் . அதிர்ந்து போனாள் என் அன்பு மனைவி  எதை நினைத்து அதிர்ந்தாளோ?   மூக்குக் கண்ணாடியை இழுத்து  விட்டுக் கொண்ட எழுபது வயது  என்  ஆரோக்கிய  தாய்  "புண்ணியவதி போய் சேர்ந்து விட்டாள்" என்று கூறி மௌனமானாள்.  முப்பத்தி ஐந்து வயதில் மரணித்த அவள்  புண்ணியவதி என்றால்  எழுபது வயதில் என் தாயும்   ஐம்பது வயதில் நானும்  இன்னமும் புண்ணியம் ஏதும் செய்யவில்லையோ?  புத்தியில் எழுந்த கேள்வி  கீழிறங்கி இதயத்தை தாக்க  பக்கத்துக்கு வீட்டு புண்ணியவதி அம்மாவிற்காய் ஆனந்தப்  படுவதா  என் வீட்டு அம்மாவிற்கும் எனக்குமாய்  வருத்தப் படுவதா என்கிற குழப்பத்தில்  நானும் அதிர்ந்து அனைந்தேன். "ஐயோ ....என்னங்க..." என்கிற என் மனைவியின் அலறல்  என் உயிருக்கு கேட்டது  உடலுக்கு கேட்கவில்லை.
Read more